Стварыць нацыянальны строй у ШКОЛЕ ТРАДЫЦЫЙНАГА МАСТАЦТВА можна пад кіраўніцтвам Вольгі Кашкурэвіч, мастачкі, выкладчыцы жывапісу, народных раместваў, удзельніцы навукова-практычных канферэнцый па дэкаратыўна-прыкладному мастацтву, аўтаркі шматлікіх калекцый беларускіх строяў.
Заняткі працягваюцца каля 2,5 гадзін і адбываюцца раз на тыдзень.
Кошт за месяц — 75 руб.
Вучні атрымліваюць інфармацыю пра рэгіянальныя асаблівасці беларускага народнага строя, яго асаблівасці, робяць крой, вучацца вышываць і рабіць розныя віды швоў.
Праца ў свядомасці беларуса была міфалагізаваная: за дзеяй стаіць не толькі працэс, але і комплекс надзвычай цікавых уяўленняў аб ім. Таму кожны занятак мае не толькі практычны, але і тэарэтычны культуралагічны змест.
Па выніку навучання кожны мае матэрыяльнае ўвасабленне атрыманых ведаў і навыкаў: асабісты традыцыйны беларускі строй.
На выпускным у ШКОЛЕ ТРАДЫЦЫЙНАГА МАСТЦТВА: распавядаюць выпускніца школы Надзея Сцепанчук, вучаніца спеўнага аддзялення Аляксандра Духноўская і кіраўнік аддзялення беларускага танца Мікалай Козенка.
На занятку ў Вольгі Кашкурэвіч
Вясельныя строі, створаныя пад кіраўніцтвам Вольгі Кашкурэвіч у ШКОЛЕ ТРАДЫЦЫЙНАГА МАСТАЦТВА